မြေသင်းနံ့လေး မျှော်နေရတဲ့အကြောင်းပေါ့ …
မြက်ခင်းလေးတွေ ၀ါဖန့်ရခြင်းရဲ့ အကျိုးပေါ့ …
စိန်ပန်းနီနီလေးတွေကြောက်တဲ့ သတင်းဆိုးလား …
အဖြူအစိမ်းလေးတွေ စိတ်ဆိုးမယ့် သတင်းကောင်းလား …
အတ္တအစွယ်အတွေးတွေ မီးထမတောက်ဖို့လည်း လိုအပ်တယ် …
ဆူလောင်လွယ်တဲ့သွေးတွေ ငြိမ်းအေးစေဖို့လည်း လိုအပ်တယ် …
ဘယ်လိုဘယ်ပုံ စိုစွတ်စေမှာလဲ …
ဘယ်နေရာ ဘယ်ဒေသဆီ ငိုချလိုက်မလဲ …
ကိုယ်စီ ရင်ထဲက တိုးတိတ်တမ်းတနေရုံ …
ရည်တူ စိတ်ထဲက မှန်းဆတောင့်တနေရုံ …
ရင်ခုန်သံတွေ အရင်လိုစိမ်းလန်းစေဖို့ …
မနက်ဖြန်တွေ ပိုမိုအေးချမ်းစေဖို့ …
မျှော်တလင့်လင့်သူတို့ ရပ်ဝန်းထဲ …
မနှစ်ကလိုပဲ ကြဲပက်လိုက်စေချင်ရုံသက်သက် …
မနက်ဖြန်မှာ မိုးရွာစေချင်တယ် …
.........................
စိုးသူရ
(28-4-2014)
No comments:
Post a Comment