Monday, March 30, 2015
မြစ်
ပြုသူအသစ် ဖြစ်သူအဟောင်းလား …
ဘယ်သူမပြု မိမိမှုလား …
မေတ္တာပို့ဆုတောင်းသံတွေကြားမှာ
တောင်းဆုတွေ မပြည့်ခဲ့တာလည်းကြာပြီ …
အချိန်ရာသီတွေ ပြောင်းတိုင်းလည်း
မပြောင်းလဲသေးတဲ့ ခံစားချက်အဟောင်းနဲ့
နှစ်ဟောင်းက အဖြစ်အပျက်အဟောင်းလေးတွေကို
ဒိုင်ယာရီအသစ်မှာ မျှော်လင့်ချက်အသစ်နဲ့ချရေးချင်စိတ်သက်သက် …
ဘ၀ဆိုတာကို
ဘယ်လိုဆက်ပြီး ရေးဖွဲ့မလဲ ...
သံယောဇဉ်ဆိုတဲ့စာလုံးဟာ
ဘယ်တော့များမှ ကိုယ့်ကို နွေးထွေးကြင်နာမလဲ …
တရှိုက်မက်မက် မက်ခဲ့ရတဲ့ အိပ်မက်ဟာ
ဘယ်လိုအချိန်မှာ ရုတ်တရက် တောက်ပလာမလဲ ...
အတွေးထဲမှာတောင်
ရဲရဲဝံ့ဝံ့ မတွေးရဲလွန်းလို့ ..
ကိုယ့်သိမ်ငယ်စိတ်ကို
ကိုယ်ကိုယ်တိုင် ထိတ်လန့်နေမိတဲ့ နေ့ရက်များ ...
လောကဓံဟာ
ကိုယ်ထင်ထားတာထက်
ပိုပြီးကွေ့ကောက်စွာ ခက်ခက်ခဲခဲ စီးဆင်းတယ် ...
#SoeThuRa
(30-3-2015)
Subscribe to:
Post Comments (Atom)
No comments:
Post a Comment