"---------"

စကားလုံးတွေဟာ
ကော်ဖီကို ပိုခါးစေတယ် ...
အတူတူမျက်နှာချင်းဆိုင်ပြီး
တိတ်တိတ်ကလေး ထိုင်နေမိတဲ့အခါ ...

သံသယဟာ
အတွေးကို ပိုအေးစက်စေတယ် ...
ရည်ရွယ်ချက်ရှိရှိနဲ့
လမ်းခွဲရမယ့် အရိပ်အယောင်တွေ ပြလာတဲ့အခါ ...

မျှော်လင့်ချက်ဟာ
ဘ၀ကို ပိုပြီး အရောင်မှိန်စေတယ် ...
နှစ်ယောက်အတူဆောက်ချင်တဲ့ အိမ်ကလေးဟာ
စိတ်ကူးယဉ်ကမ္ဘာရဲ့ အပြင်ဘက်ကို ရောက်မလာနိုင်တော့တဲ့အခါ ...

ဆုံးဖြတ်ချက်ဟာ
နှုတ်ဆက်အပြုံးကို ပိုပြီးသေချာစေတယ် ...
ခက်ခက်ခဲခဲ လုပ်ခဲ့ရတဲ့ ရွေးချယ်မှုတစ်ခုဟာ
လွယ်လွယ်ကူကူ ပြိုလဲသွားတဲ့အခါ ...

ရယ်မောခြင်းဟာ
ဆုံးရှုံးခြင်းကို ပိုပြီး နာကျင်စေတယ် ...
ဘယ်တော့မှ မဖြုတ်ဘူးလို့ သစ္စာဆိုခဲ့တဲ့ လက်ကလေးတစ်ဖက်
ကိုယ့်ကိုယ် အမှိုက်တစ်စလို စွန့်ပစ်သွားရက်တဲ့အခါ ...

#SoeThuRa
(28-3-2015)