အခြေအနေအရ
ကော်ဖီမစ်တစ်ထုပ်ကို
နှစ်ခွက်ခွဲဖျော်လိုက်တယ် …
တောင်းဆိုချက်အရ
ထမင်းဘူးထဲ
ဆားနည်းနည်းဖြူးလိုက်တယ် …
လိုအပ်ချက်အရ
သမီးလေးစုဘူးထဲက
ရာတန်နှစ်ရွက်လောက်နှိုက်ဖြစ်သွားတယ် …
ကိုယ့်အသိစိတ်နဲ့ကိုယ်
အထူးကားလာတာကို
မမြင်ချင်ယောင်ဆောင်လိုက်တယ် …
ကိုယ့်လိပ်ပြာကိုယ်ရှက်ရှက်နဲ့ပဲ
ဒီတစ်လတော့
ခဲထားမယ်ဆိုတဲ့မာနကို
စိတ်ထဲက
တောင်းပန်စကားဆိုပြီး
အရေးတကြီး
လက်ဝါးဖြန့်လိုက်ရတယ် …
……………………………………………………
စိုးသူရ
(26-3-2013)
No comments:
Post a Comment