Wednesday, November 13, 2013

ကြွေချင်တယ်

“ညကြီးမင်းကြီး
ထပြီးထိုင်နေ
အိပ်ရာတွေလည်း
ကြေမွတွန့်လိပ်
သိပ်စိတ်ညစ်တယ်”

(ကြည်အေး)

ဟုတ်တယ် … သိပ်စိတ်ညစ်တာပဲ … ဘာဖြစ်လို့လဲလို့တော့ မမေးပါနဲ့နော် … ရင်ထဲက နှလုံးသားဟာ အရည်ပျော်မတတ် … ခါတိုင်းဖတ်နေကျ အချစ်ဝတ္ထုတွေလည်း ချို့ကို ဆေးမကုနိုင်တော့ဘူး ကိုကိုရေ … တကယ်ဆို ချိုနေခဲ့ဖို့မကောင်းဘူး … ကိုကိုမရှိတဲ့ဘ၀ .. ကိုကိုမရှိတဲ့ည … ချို့အတွက်တော့ တကယ့်ဒုက္ခပဲ … ချစ်သူနဲ့ ကွေကွင်းရခြင်းဟာလည်း ငရဲတစ်မျိုးပဲလေကွယ် … ချို အခု ငြိမ်ငြိမ်လေး လှဲနေတယ်လို့ ကိုကိုထင်သလား … သွားစမ်းပါ ကိုကိုရယ် … ဘယ် ညာ လူးလွန့် … အိပ်ရာခင်းတွေတွန့်ကြေ … ဆံနွယ်တွေပြန့်ကျဲ … ခန္ဓာကိုယ်ထဲက သွေးကြောတွေဟာ တဆစ်ဆစ်နာကျင်နေတယ် … ညမွှေးပန်းရဲ့ ရနံ့အီအီတွေလဲ ချို့ကို မကယ်နိုင်တော့ပါဘူး … ချိုတော့ ရူးသွားချင်တာပါပဲ … မှန်ပြူတင်းကတဆင့် မြင်နေရတဲ့ ဝေ့၀ဲကြွေဆင်းသွားတဲ့ သစ်ရွက်ကလေးဟာ ချိုပါပဲ … စေ့ရုံပဲ စေ့ထားခဲ့ပြီး မာနကြီးချင်ယောင်ဆောင်နေခဲ့တဲ့ တံခါးတစ်ချပ်ဟာလည်း ချိုပါပဲ … ဆက်သွယ်မှုဧရိယာပြင်ပကို အမြဲပြေးထွက်နေခဲ့တဲ့ အနက်ရောင်လက်ကိုင်ဖုန်းလေးဟာလည်း ချိုပါပဲ … ဆွတ်ယူနမ်းရှိုက်မယ့်သူ မရှိတော့မှ အစွမ်းဖူးပွင့်ပြချင်နေတဲ့ ၀ရံတာလက်ရန်းပေါ်ပန်းအိုးထဲက နှင်းဆီအနီရဲရဲလေးဟာလည်း ချိုပါပဲ ကိုကိုရယ် …

“မင်းက ရုပ်ကလေးလှသလောက် သိပ်ပက်စက်တာပဲ …”

ချာခနဲ လှည့်ထွက်သွားတဲ့ ကိုကို့ကျောအခိုင်းမှာ ချိုနှစ်ခါပြန် သေဆုံးခဲ့ရတယ် … အဲဒီတုန်းက ကိုကို့ဥပေက္ခာမှာ ချိုဟာ ဒဏ်ရာရသွားတဲ့ ပန်းသီးတစ်လုံးပေါ့ကွယ် … ဒါပေမယ့် ချို ကိုကို့ကို မမုန်းခဲ့ပါဘူး … ပထမဦးဆုံးဆိုတာ ကာယကံရှင်ပေါ်မှာပဲ မူတည်တယ်လို့ ပြောရင် ကိုကိုရယ်ဦးမှာလား … ကိုကိုဟာ ချို့အတွက် ပထမဦးဆုံးမဟုတ်ပေမယ့် ပထမဦးဆုံးဆိုတာ ယုံစမ်းပါ ကိုကိုရယ် … ဘာလဲ … ကိုကိုနားရှုပ်သွားပြီလား … ဟုတ်တယ်လေ … ကိုကိုဟာ ချို့ဘ၀အတွက် ပထမဦးဆုံးမဟုတ်ပေမယ့် ချို့နှလုံးသားအတွက် … ချို့အချစ်အတွက်တော့ အမြဲတမ်း ပထမဦးဆုံးပါပဲ …

“မင်းမာယာတွေကြောင့် မင်းတစ်နေ့ ဒုက္ခရောက်လိမ့်မယ် …”

ချိုမျက်နှာဖုံးတွေကို သိပ်မုန်းတယ် ကိုကို … ချို့ဘ၀တစ်လျှောက်လုံး အရိုးသား အပွင့်လင်းဆုံးနေထိုင်ခဲ့တာပါ … ချို့ ကိုယ်ပိုင် အဘိဓာန်မှာ မာယာ ဆိုတဲ့ စကားလုံးကို အခုထိ မရေးသွင်းရသေးပါဘူး ကိုကိုရယ် … ဒါနဲ့များ ချိုက မာယာသိပ်များတယ်တဲ့လား … ဟင့်အင်း … ကိုကိုမှားနေပြီ … မာယာဆိုတာ ကောက်ကျစ်စဉ်းလဲတဲ့သဘောပါတယ်လေ … ချိုက မြေခွေးတစ်ကောင်မဟုတ်ပါဘူး … ကိုကို့အတွက်ဆို အမြဲဖြူစင်ပြီး အပြစ်ကင်းစင်တဲ့ ယုန်ကလေးတစ်ကောင်ပါ … ဒါပေမယ့် အဲဒီယုန်ကလေးဟာ ကိုကိုယုံအောင် အချစ်ကို သက်သေမပြတတ်ခဲ့ပါဘူး .. ချို သိပ်ညံ့ခဲ့တယ် ကိုကို …

“ကိုယ်သွားတော့မယ် … မင်းကို အပြီးနှုတ်ဆက်ခဲ့တယ် …”

သွားပေါ့ ကိုကိုရယ် … သွားနှင့်သူဟာ အနိုင်ရသူပေါ့ … ချိုတော့ သွားရမှာကို မကြောက်ပါဘူး … ကိုကို့ကိုလဲ မကြောက်စေချင်ဘူး … ချိုက ကျန်ရစ်ခဲ့ရမှာကိုပဲ ကြောက်တာ … ဘာပဲဖြစ်ဖြစ်ပါ … ချိုတို့ ပြန်တွေ့ကြဦးမှာပဲ … ကိုကိုက အရှေ့အရပ်ကိုလျှောက် … ချိုကတော့ ကိုကိုနဲ့ ဆန့်ကျင်ဘက်ကို လျှောက်နေတယ် … ကိုကိုသွားတဲ့နေရာက သိပ်မှောင်တာပဲလား … နောက်တော့လည်း နေသားကျသွားမှာပါလေ … ချိုရောက်နေတဲ့ အရပ်ကတော့ အလင်းတစ်ဝက် အမှောင်တစ်ဝက်နဲ့ သိပ်စိတ်ပျက်ဖို့ကောင်းတာပဲ … ဒါပေမယ့် ချိုတစ်ယောက်ထဲ နေရဲပါတယ် … ချိုလုံးဝမသိတဲ့ သူစိမ်းတွေရဲ့ အလယ်မှာလေ … ရယ်စရာတော့ အကောင်းသားနော် … ချိုနဲ့ ကိုကိုဟာလည်း သူစိမ်းတွေပါပဲ … ကမ္ဘာပေါ်မှာ အရင်းနှီးဆုံး သူစိမ်းနှစ်ယောက်ပေါ့ ကိုကိုရယ် …

“ကိုယ်လေ ရင်မဆိုင်ရဲပါ … ကမ္ဘာကုန်ကျယ်သရွေ့အဆုံး … ပြန်မဆုံနိုင်အောင် တို့ထွက်ပြေးတော့မယ် …”

ကိုကို ချို့ဆီ ပြန်လာမယ်တဲ့လား … ချို ဟာသတွေ မကြားချင်ဘူးကွယ် … ကိုကိုရွေးချယ်ခဲ့တဲ့လမ်းမှာ ချိုဟာ ဆူးခလုတ်တစ်ခု မဖြစ်ချင်ပါဘူး …. ဘုရားစူးပါစေရဲ့ … ကိုကို့အပေါ်ထားတဲ့ ချို့မျှော်လင့်ခြင်းတွေဟာ သိပ်ကိုရိုးစင်းလွန်းပါတယ်ဆိုရင် ကိုကို လှောင်ရယ်ရယ်ဦးမှာလားဟင် …. ပြီးတော့ ကိုကိုရွေးချယ်လိုက်တဲ့ လမ်းမှာ ချို့ဘ၀ ချို့ကမ္ဘာနဲ့ ဟိုးအပြင်ဘက်ဆီ ဦးတည်ရည်ရွယ်မှန်း အချစ်မှာ မျက်စေ့ကန်းနေပေမယ့် အရာရာကို မှန်းဆနိုင်တဲ့ အသိဥာဏ်လေးရှိနေသေးတော့ … လူးလွန်းနေဆဲ ချို့ ဝေဒနာညတွေကို ခုတော့ ဗေလီယမ်လည်း မကယ်နိုင်တော့ဘူး … ဂျူးလည်း ချော့မသိပ်နိုင်တော့ဘူး … ဘရိုင်ယမ်အဒမ်လည်း မပြုစားနိုင်တော့ဘူး … ဘီသိုဗင်လည်း မငြိမ်းအေးစေနိုင်တော့ဘူး … သူတို့ပြောသလို ချို မရူးသေးပါဘူး ကိုကိုရယ် …

“ကြိုးကလေး တစ်ချောင်းရဲ့ အစွန်းနှစ်ဖက်မှာ တို့အသည်းတွေ ချိတ်လျှက်သာ …”

ခုတော့ ချိုနဲ့ ကိုကို့ကြားမှာ တားထားတဲ့ ကြိုးတစ်ချောင်းရဲ့ အင်အားဟာ သိပ်ကိုခိုင်ခန့်ပြီး ကြီးမားလွန်းမှန်း သိလိုက်ရပါပြီ … လိုက်ခဲ့တော့မယ် ကိုကိုရယ် … အာခေါင်တွေခြောက်ကပ် … ရေငတ်ပြီး တစ်လှပ်လှပ်တုန်ယင် … ခုံမင်ခဲ့ဖူးတဲ့ ဆေးရောင်စုံတွေကြားမှာ ချိုတော့ လမ်းမှားနေပြီ … ရီဝေတဲ့ ကိုကို့အကြည့်တွေကို ချိုလွမ်းမောပါရဲ့ ….  ကိုကို့ပုခုံးထက်မှာ မှီနွဲ့ပြီး ချိုကြိုက်တဲ့ သီချင်းတွေကိုလည်း ခပ်တိုးတိုးညည်းချင်သေးတယ် … The Day You Went Away တဲ့ … ကိုကိုထွက်သွားပြီးကထဲက ချိုလည်း ကိုကိုနဲ့ အဝေးကြီးမှာပါပဲ … အသိစိတ်နဲ့ မသိစိတ်ကြား ၀ဲလည်နေတဲ့ ချို့ကို ကိုကိုလမ်းပြပေးပါဦး … နောက်ဆုံးလက်ကျန် သံယောဇဉ်လေးနဲ့ပေါ … ချိုလည်း လွတ်မြောက်ချင်လှပါပြီ ...

“နောက်ဆုံးထင်ရဲ့  
ပင်ပန်းလိုက်တာ
ရှိုက်နမ်းပါဦး
နဖူး … ပါးပြင် …
မိန်းမူးချင်သေး
ဝေးမသွားမီ …”

(မအိ)

(ခံစားချက်များ ဝေမျှပေးသာ ချိုနွယ်ခိုင် အား ကျေးဇူးအထူးတင်ပါသည်)


Soe Thu Ra

No comments:

Post a Comment