ကလေး

ကိုယ့်ကိုယ်ကိုယ် ချိုင့်ဝှမ်းထဲမှာ ၀ှက်ပြီး
လူကြီးဖြစ်ရမှာ ရှက်နေတဲ့မြို့ …

ပုဝါတစ်တို့ ချွေးတစ်စို့နဲ့
အစဉ်အလာကြီးခဲ့တဲ့သမိုင်းနဲ့
တောင်တွေ ပတ်လည်ဝိုင်းနေတဲ့မြို့ကလေးပေါ့ …

လက်ဖက်ရည် ပေါ့ကျ
သဘာဝစစ်စစ်ကြံရည်ချိုနဲ့
နေညိုချိန်ဆို လေပျိုတတ်တဲ့
အကင်ဆိုင်တွေလည်းရှိရဲ့…

ဆေးရုံနဲ့ တက္ကသိုလ်နဲ့
ဗြူတီပါလာနဲ့ မြို့တော်ခန်းမနဲ့
နာမည်ကြီးပုဂ္ဂလိကဘဏ်တွေနဲ့
လျှပ်စစ်မီးသာမှန်မှန်လာမယ်ဆိုရင်တော့ တကယ့်နိဗ္ဗာန်ပဲ …

တစ်ခုပဲ … လက်မခံချင်တဲ့ အမှန်တရားက
မြို့အထွက်က အကျဉ်းထောင် …
မြို့ကသေးသေး … ထောင်က ကြီးကြီး

အင်း … ထောင်ထဲမှာရော မီးမှန်မှန်လာရဲ့လား …
ဆိုင်လား မဆိုင်လားတော့မသိ …
ဘာရယ်မဟုတ်ဘူး စဉ်းစားနေမိတယ် …

မြေသြဇာကောင်းသလို
ငွေသြဇာလည်းညောင်းတဲ့မြို့ …
ဆေးမှုန့်လေးတွေကို မီးနဲ့ရှို့ပြီး
ဘ၀ကို လေဟုန်စီးနေတဲ့လူငယ်တွေ
ဒီမြို့မှာရော ဘာလို့ရှိနေရတာလဲ …

မြို့အစွန် နေကြာပန်းခင်းထဲ
ကောင်းသတင်းလေးတွေမျိုးစေ့ကြဲဖို့
ဘ၀ကို သီချင်းလေးတညည်းညည်းနဲ့ထွန်ယက်
သူတို့အတွက်တော့ ဂုဏ်ယူရတာပေါ့ …

အငန်နည်းနည်းလျှော့ထားတဲ့ဆာဗူးသီးနဲ့
ပဲပင်ပေါက်တွေတစ်ထွေးကြီးထည့်ထားတဲ့
ထူးထူးခြားခြားကြက်သားဆန်ပြုတ်နဲ့ ...
မြို့လည်ကောင်တည့်တည့်မှာတော့
လေယာဉ်ပျံတွေ တက်လိုက်ဆင်းလိုက် …

ရေဆန်ကျွန်းကို ဦးခိုက်
ရွှေဘုံသာကို ဖူးဖို့ကြုံကြိုက်သလို
မဟာသန္တာရုံမှာလည်း ဆုံတုန်းဆုံခိုက်ကုသိုလ်ယူ …

ကလေးမြို့သူတွေ မနောကောင်းသလို
အပြောလေးတွေလည်းကောင်းတာကိုတော့
ခေါင်းခါပြီး မငြင်းပါဘူး စိတ်ချ …
သိပ်လှတဲ့ သူတို့ရဲ့အပြုံးဟာ
တစ်မြို့လုံးကို ကိုယ်စားပြုနေသယောင် …

တောင်က ကန့်လန့် …
မြစ်က ပြောင်းပြန် …
လေသံက ၀ဲဝဲ …
ပြောလိုက်တဲ့စကားထဲမှာ
ရင်ထဲက ရိုးသားမှုဟာ ဖုံးမနိုင်ဖိမရ …

ဝင်းလက်တောက်ပတဲ့ အပေါ်ယံပကာသနထက်
သဘာဝဆန်တဲ့အလှအပတွေကြား
ရှိပြီးသား သဒ္ဒါတရားအလင်းတွေအောက်
မြို့ကလေးဟာ ကိုယ်ယောင်ဖျောက်နေသလား

ဟင့်အင်း … မလာချင်ရင် ခရီးဝေး
လာချင်ရင်တော့ အနီးလေးပါ …
သူ့တံခါးဟာ အချိန်မရွေးဖွင့်လျှက် …
သူကမ်းထားတဲ့ လက်ဟာ အမြဲတမ်းနွေးထွေး …

သူဟာ ကလေးဆိုပေမယ့်
ဘာမှမသိတဲ့ ပိစိကွေးလေးတော့ မဟုတ် …
သူ့အလုပ် သူကျေပွန်အောင်လုပ်ပြီး
အဝေးကြီးက မွေးချင်းမောင်နှမတွေကို
တောင်တွေကြားက ချောင်းကြည့်နေတော့တယ် …
…………………………………………………………….

စိုးသူရ
(၂၀-၄-၂၀၁၃)
ကလေးမြို့အလည်ခရီးတစ်ခေါက်အမှတ်တရ