Friday, June 28, 2013

မြေကြီးပေါ်မဆင်းဖြစ်တဲ့နေ့တွေ



အပေါင်းအသင်းကြောင့်လား
ကိုယ်ခံစွမ်းအားနည်းလို့လား …

တစ်ခါမှားရုံနဲ့ နောက်ပြန်လှည့်လို့မရတော့ဘူး …

အဖြူရောင်ဆိုတာ ဖြူစင်ခြင်းတဲ့လား
ဒီနေရာမှာတော့ မှားပြီ …

ပင့်သက်တစ်ခါရှိုက်တိုင်း
တစ်ကြိမ်မှောင်မိုက်သွားတဲ့ကြယ် …

ငယ်ရွယ်မှုဟာ တအိအိပြိုဆင်းလို့ …

အမေ့ငိုချင်းနောက်ဆက်တွဲမှာ ၀မ်းနည်းစရာမရှိဘူး …
အဖေ့ဒေါသကြိမ်းဝါးသံမှာ နာခံစရာမရှိဘူး …

နတ်ပြည်ဆိုတာ ရောက်ဖူးမှသိတာ …

အသိဥာဏ်ဟာ
နေစရာအခန်းမရှိလို့ ထွက်သွားပြီ …
သူငယ်ချင်းတွေဟာ
ဆက်စရာ ဇာတ်လမ်းမရှိလို့ လက်ပြကျန်ခဲ့ပြီ …

မနက်ဖြန်လား …
ဟင့်အင်း … မြေကြီးပေါ်ဆင်းဖြစ်မှာ မဟုတ်သေးဘူး …

ခုတလော သွေးအားနည်းလို့လား မသိဘူး …
ကျွန်တော် မူး မူးနေတယ် …
-----------------------------

စိုးသူရ
(26-6-2013)

(အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမ၀င်ရောင်းဝယ်မှု တိုက်ဖျက်ရေးနေ့တွင် ရေးဖြစ်ပါသည်။ )







No comments:

Post a Comment