နောက်တစ်ခါပြန်ရောက်ရင်တောင်မှ
နောက်တစ်ခါပြန်လျှောက်ခွင့်မရတော့ဘူး
...
အရင်လို အဖြူရောင်အဖူးလေးတွေလည်း
အရင်လို ပြန်မဝေဆာနိုင်တော့
...
သူ့ဆံနွယ်ထက်က
လိပ်ပြာပုံကလစ်ကလေးမှာ
ကျွန်တော့်အချစ်စိတ်ကပ်ငြိသွားပုံ
...
တကယ့်ကို
ရင်ခုန်စရာအနှေးပြကွက် ...
လွယ်အိတ်ကြိုးကလေးကိုသာ
တင်းတင်းဖက်လို့ ...
သူ့ရယ်သံ
မခို့တရို့မှာ
လူတွေအားလုံးကို
တတိယကမ္ဘာစစ်ကြေညာခဲ့ဖူးတယ် ...
လူရည်မလည်သေးတဲ့
နှလုံးသားကတော့
သူ့မြုံးမှာမိတဲ့
ငါးသေးသေးလေး ...
ရေနဲ့ဝေးလို့လည်း
ဝေးမှန်းမသိ ...
သူ့အကြည့်တစ်ချက်မှာ
ကျွန်တော့်တစ်သက်စာမာနတွေအတုံးအရုံး
...
သူကတော့ ကြည်ကြည်လင်လင်လေးပြုံးလို့ပဲ
...
အရှုံးဆိုတာ
အနိုင်ယူသူရှိမှ တဲ့ ...
တကယ်တော့
ကျွန်တော့်ဘက်က
ကျေကျေနပ်နပ်ကြီး
လက်နက်ချခဲ့တာပါ ...
ယောကျာ်းမာနဆိုတာ
သူ့ရှေ့မှာ
ချခင်းပေးတဲ့ ကတ္တီပါလျှောက်လမ်း
အဲဒီ့နေ့က
ကျွန်တော်ချစ်တဲ့ အဖြူရောင်ပန်းတွေ
တိတ်တိတ်ကလေးတစ်ပွင့်ချင်းကြွေခဲ့တာ
မမြင်ချင်မှအဆုံး
နွေရာသီကို
ကျွန်တော်မုန်းတယ် ....
.................................................
စိုးသူရ
(11-3-2013)
No comments:
Post a Comment