"အလွမ်း-၃"

ပေကျံနေပေမယ့်
လွှင့်ပစ်လိုက်ရမှာစိုးလို့
ဆက်သုံးနေရတဲ့ တစ်သျှူးတစ်ရွက်မှမဟုတ်ဘဲ ...

အချိုကုန်သွားပေမယ့်
ထွေးထုတ်ပစ်ရမှာစိုးလို့
ဆက်ဝါးနေမိတဲ့ ပီကေတစ်ခုမဟုတ်ဘဲ ...

နာကျင်နေပေမယ့်
နှုတ်ပစ်လိုက်ရမှာစိုးလို့
တယုတယကုသနေရတဲ့ သွားပိုးပေါက်လေးမှမဟုတ်ဘဲ ...

သေဆုံးသွားပေမယ့်
ခုတ်ပစ်လိုက်ရမှာစိုးလို့
ဆက်ပြီး ရေလောင်းနေရတဲ့ သစ်ပင်တစ်ပင်မှမဟုတ်ဘဲ ...

ပြတ်တောက်သွားပေမယ့်
အကြည့်ကိုလွှဲလိုက်ရမှာစိုးလို့
ဆက်ပြီးကိုင်ထားမိတဲ့ ရစ်ဘီးလေးမှမဟုတ်ဘဲ ....

တို့နှစ်ယောက်ထဲသိတဲ့
သံယောဇဉ်နဲ့ နှောင်တွယ်မှုဟာ ...
အချိန်ကာလရဲ့ စမ်းသပ်မှုကို ကောင်းကောင်းခံနိုင်ရည်ရှိမယ် ...
ပတ်ဝန်းကျင်ရဲ့ အတင်းအဖျင်းတွေကြားမှာ ကောင်းကောင်းရှင်သန်နိုင်မယ် ...
သူစိမ်းတွေရဲ့ စူးစမ်းတဲ့ အကြည့်တွေအောက်မှာ ကောင်းကောင်းရပ်တည်နိုင်မယ် ...
ထင်မှတ်မထားတဲ့ အပြောင်းအလဲတွေနဲ့အတူ ကောင်းကောင်းလိုက်ပါစီးမျောနိုင်မယ် ...
ဒီလိုထင်ခဲ့တယ်ပေါ့ ...

ဒါပေမယ့်လည်း
အရာရာဟာ အလွဲကြီးလွဲခဲ့တယ် ...
အမှတ်တရတွေဟာလည်း အလွမ်းအဆွေးများသာ ချန်ခဲ့တယ် ...

‪#‎SoeThuRa‬
(17-6-2015)